গহপুৰৰ মহকুমাধিপতি কাৰ্যালয় ঘেৰাও আটছা-আছাৰ 

জ্যোতিপ্ৰসাদ আগৰৱালাৰ সপোনৰ ভোলাগুৰি চাহ বাগিচাৰ শ্ৰমিকৰ সমস্যা সমাধানৰ দাবীত উত্তাল প্ৰতিবাদ । 

অসম চাহ নিগমৰ অধীনস্থ ভোলাগুৰি চাহ বাগিচাৰ শ্ৰমিকৰ মজুৰি অন্যান্য চাহ বাগিচাত কৰ্মৰত শ্ৰমিকৰ সম-হাৰত প্ৰদান কৰিবলৈ তথা বাগিচাৰ শ্ৰমিকৰ বিভিন্ন সমস্যা সমাধানৰ দাবীত আজি আটছা, আছাৰ গহপুৰ শাখাৰ উদ্যোগত আৰু শ্ৰমিক ৰাইজৰ সহযোগত গহপুৰৰ মহকুমাধিপতিৰ কাৰ্যালয় ঘেৰাও কৰে ।

প্ৰতিবাদস্থলীত গহপুৰৰ বিভিন্ন জাতীয় সংগঠনৰ বিষয়ববীয়াসকলেও অংশগ্ৰহণ কৰে ।

গহপুৰ মহকুমাৰ কাৰ্যবাহী দণ্ডাধীশ বিমান দাসৰ জৰিয়তে অসমৰ মুখ্য মন্ত্ৰী সৰ্বানন্দ সোণোৱাললৈ ছয় দফীয়া দাবী সম্বলিত এখন স্মাৰক-পত্ৰ প্ৰেৰণ কৰা হয় বুলি আটছাৰ গহপুৰ শাখাৰ সম্পাদক নিলোৎপল ৰবি দাসে সংবাদ মাধ্যমক জানিবলৈ দিয়ে ।